سعودی عرب دے خلاف زہر اگلݨ ناقابل معافی جرم اے، قوم پاک-سعودی عرب دوستی اچ رکاوٹ پاوݨ آلیاں دے ہتھ بھن ݙیسی، وزیراعظم محمد شہباز شریف دا کچھی کینال دی بحالی دے منصوبے دی افتتاحی تقریب توں خطاب
Taunsa Barrage/Kot Addu: Prime Minister Muhammad Shehbaz addresses the inaugural ceremony of restoration of Kachhi Canal on 22 November 2024.
تونسہ بیراج/کوٹ ادو۔22نومبر (اے پی پی) وزیراعظم محمدشہباز شریف سعودی عرب دی پاکستان کیتے غیرمشروط مالی اتے سفارتی حمایت دی تعریف کریندی?? ہوئیں ݙوٹوک آکھیا جو ایجھے برادر ملک دے خلاف زہر اگلݨ ناقابل معافی جرم اے۔ کوئی وی ایجھا ہتھ جیڑھا پاک سعودی دوستی اچ رکاوٹ پیسی قوم اونکوں ٻھن ݙیسی۔ سیاسی فیدے کیتے نفرتاں کھنݙاوݨ اتے پاکستان دے فیدے کوں داؤ تے لاتے سیاسی فیدے ڳھنݨ توں گریز کیتا ونڄے۔ پاکستان دی عوام دی ترقی اتے خوشحالی کیتے رل تے ملک دشمناں دا مقابلہ کرݨا پوسی۔ اے ڳالھیں انہاں جمعے کوں تونسے اچ کچھی کینال منصوبہ دی بحالی دی افتتاحی تقریب توں خطاب کریندی?? ہوئیں آکھی۔ انہاں آکھیا جو سعودی عرب پاکستان دا ہک ایجھا دوست اے جئیں دی جتنی تعریف کیتی ونڄے ڳھٹ اے۔ وزیراعظم آکھیا ??و گزریل ݙینھ سعودی عرب بارے ݙتے ڳئے بیان توں ودھ کوئی پاکستان دشمنی نی تھی سڳدی۔ سعودی عرب ہ??یش?? پاکستان کیتے آپݨے در کھول تے رکھین۔ ہ??یش?? پاکستان دی مدد کیتی اے۔ سعودی عرب دے خلاف زہر اگلݨ ناقابل معافی جرم اے، قوم پاک-سعودی عرب دوستی اچ رکاوٹ پاوݨ آلیاں دے ہتھ بھن ݙیسی۔ سعودی عرب اساݙا وکیل اے جئیں پاکستان دی ارباں ڈالر دی مدد کیتی اے، آئی ایم ایف توں بیل آوٹ پیکیج سعودی عرب پاروں ملیے۔ ایندے خلاف زہر اگلݨ ناقابل معافی جرم اے۔ ۔کچھی کینال منصوبہ دی بحالی بارے آپݨے خطاب اچ وزیراعظم محمد شہباز شریف آکھیا جو کچھی کینال منصوبہ دی بحالی نال بلوچستان دے متاثرہ علاقے کوں ولا نویں زندگی ملسی۔ وزیراعلی بلوچستان سرفراز بگٹی کوں مبارخ ݙیندوں۔ انہاں دی ذاتی کوششاں اتے دلچسپی نال اے منصوبہ بحال تھیے۔ حکومت پنجاب، وفاقی وزیر احسن اقبال اتے واپڈا دے تعاون نال اے منصوبہ پورا تھیے۔ انہاں آکھیا جو ایں منصوبے دی فزیبلٹی سٹڈی دا آغاز 1998 اچ ن??از شریف دے دور اچ تھیے۔ جنرل مشرف دے دور اچ بغیر ٹینڈر دے ایں منصوبے کوں ٹھیکیداراں دے حوالے کیتا ڳئیا اتے بے دردی نال غریب قوم دا پیسہ بربار کیتا ڳئیا۔ 2018 اچ ن??از شریف دے دور اچ ایں منصوبہ پورا تھیا۔ ایں منصوبے تے ہݨ تئیں سو ارب روپے خرچ تھی ڳئن۔ وزیراعظم آکھیا جو ایں منصوبے دے ݙوجھے مرحلہ پورا تھیوݨ اصل چیلنج اے۔ انہاں آکھیا جو وزیراعلی بلوچستان وفاق نال رل تے بلوچستان اچ ٹیوب ویلاں کوں سولرائزیشن تے کرݨ دا منصوبہ شروع کیتے۔ وزراء اعلیٰ پنجاب اتے بلوچستان نینگر اتے صلاحیت مند ہن۔ ایں توں پہلے وزیر اعظم محمد شہباز شریف تونسہ بیراج توں کݙھی ڳئی کچھی کینال دے چھل توں متاثرہ حصیاں دی بحالی دے منصوبے دا افتتاح کیتا۔ تقریب توں خطاب کریندی?? ہوئیں وزیر اعلی پنجاب مریم نواز شریف آکھیا جو ساریاں کوں پنجاب دی دھرتی تے خوش آمدید آکھدوں۔ اے ہک نہر نئی بلکہ پنجاب توں تھیندا بلوچستان دی خوشحالی دا راہ اے۔ انہاں آکھیا جو نواز شریف دی چاریں صوبیاں کوں جوڑݨ اتے ملک دی سلامتی، ترقی اتے معاشی خوشحالی دی راہ تے شہباز شریف کاربند ہن۔ انہاں آکھیا جو اڄ ہر چیز اچ بہتری دا کریڈٹ مسلم لیگ ن دا اے۔ وزیر اعلی بلوچستان سرفراز بگٹی آکھیا جو 2002 اچ ایں منصوبے دی منظوری تھئی اے۔ نواز شریف دے اقتدار اچ آوݨ دے بعد اے پورا تھیے اتے خوشحالی دا دور ݙٹ??ے۔ میں وفاق اتے پنجاب حکومت دا شکریہ ادا کرینداں۔ انہاں آکھیا جو ایں کینال دا سو کلومیٹر رہ ڳئے۔ اے شہباز سپیڈ نال جلدی پورا تھی سڳدے۔ بلوچستان دے لوکاں دی وی ایہو خواہش اے۔ وفاقی وزیر منصوبہ بندی وترقی احسن اقبال آکھیا جو کچھی کینال دا منصوبہ مسلم لیگ ن دے دور حکومت آچ 2018 اچ پورا تھیا ہئی جڈانجو 2022 دے چھل اچ ایندا ٻہوں ضیان تھیا ہئی۔ ہݨ ایں منصوبے کوں وزیراعظم دی ہدایت تے ربیع دے سیزن توں پہلے بحال کیتا ڳئے۔ وفاقی وزیر توانائی مصدق ملک آکھیا جو چاریں صوبیاں اچ بھائی چارہ اتے ملک دی خوشحالی وزیراعظم دا وژن اے۔ ریگستان وتں نخلستان ٻݨاوݨ دا پندھ وزیراعظم دا وژن اے۔ چیئرمین واپڈا سجاد غنی بریفنگ ݙیندی?? ہوئیں ݙسیا جو وزیراعظم 45 ݙینھ اچ 2022 دے چھل توں متاثرہ کچھی کینال دی بحالی دی ہدایت کیتی اے اتے اڄ ایندا پہلا مرحلہ پورا کر ڳھدا ڳئے۔ کچھی کینال توں بلوچستان دی سوت لکھ 15 ہزار ایکڑ اراضی سیراب تھیسی۔
