اسلام آباد ۔ 30 نومبر (اے پی پی) وزیراعظم عمران خان واضح کیتے جو پاکستان اپنڑی سوچ بدل چکیے، بھارت کوں وی بدلنڑا چاہیدے،ڈو جوہری طاقتاں کیویں جنگ کر سگدن؟پاکستان خطے اچ امن چاہندے،امن ہی اگو تے ودھنڑ دا ہکورستہ اے، مسلہ کشمیر دا حل مذاکرات نال گولیا ونج سگدے،کرتارپور راہداری کھولنر سکھ برادری دا مطالبہ ہا?? ہندو یاتریاں کیتے وی ویزے دا حصول سوکھا ??ریسوں،وطرفہ معاملیاں کیتے بھارت کوں وی ہتھ ودھاونڑاں پوسی۔ اے گالھ انہاں اسلام آباد اچ بھارتی صحافیاں نال گالھ مہاڑکریندے ہوئے آکھی۔انہاں آکھیا جو کرتار پور سرحد کھلنڑ ہک وڈا اقدام اے، پاکستان اچ ایکوں سراہا گئے ،بھارت اچ وی ایکوں بہوں حد تئیں چنگا سمجھیا گئے۔وزیراعظم آکھی?? جیکر کشمیر دی گالھ نہ کیتی ونجے تاں ول کوئی مسلہ کائنی بھل اے تھی نئیں سگدا جو کشمیر دی گالھ نہ کیتی ونجے،سابق بھارتی وزیراعظم من موہن سنگھ سمجھ چکیے ہن جو مسلہ کشمیر بھارت کوں ترقی توں روکیندا پئے، میڈا ایمان ا?? جیکر اساں نیت بدھ گھنوں تاں اے مسلہ حل تھی ویسی بھل ممبئی حملے جھیاں کوئی نہ کوئی واقعہ رکاوٹ بنڑا ڈتا ویندے،میں پہلے ہی ااکھی?? جیکر بھارت ہک قوم ودھیسی تاں اساں ڈو قدم اگو تے آسوں، بھل بھارت چنگا رد عمل نئیں ڈیندا پیا، بھارت مذاکرات منسوخ کر ڈتن،وزراءخارجہ ملاقات تئیں نئیں تھی سگی، شرطاں توں لگدے جو بھارت مذاکرات چاہندا ہی نئیں، بھارت اچ الیکشن تھیندے پین اوندے بعد ایں معاملے کوں ولا ٹریسوں۔ہک سوال دے جواب ا?? وزیراعظم آکھیا جو دہشت گردی کیتے پاکستان دی سرزمین دااستعمال ساڈے فیدے اچ نئیں،جیکر ساڈا فیدہ ہوندا تاں اساں افغانستان نال سرحد تے ارباں روپے لا تے باڑ کیوں لیندے،خواہ مخواہ پاکستان تے دہشتگردی دے الزام لائے ویندن، اساں کہیں کوں وی اپنڑی سرزمین غلط استعمال نہ تھیونڑ ڈیسوں۔ انہاں آکھیے جو پاکستان اچ ذہن بدلدا پئے، بھارت کوں وی بدلنڑا چاہیدے، اے ڈوہاں ملکاں کیتے اوکھا اے جو مسلے حل کرن بھل ایندے کیتے مذاکرات تے باھونڑا پوسی،مسلہ کشمیر دے حل اتے خطے اچ امن نال برصغیردے عوام اتے سب توں فیدہ بھارت کوں تھیسی۔ حافظ بارے وزیراعظم آکھیا جو حافظ سعید اتے انہاں دی جماعت تے اقوام متحدہ ولوں پابندی اے اتے ممبئی ھملیاں بارے بئے لوکاں تے مقدمے وی چلدے پین۔وزیراعظم پیش کش کیتی جو مذاکرات دی پاکستان ولوں کھلی پیش کش اے، اے ہنڑبھارت دی مرضی اے جو او کیا جواب ڈیند?? جیکر اساں ماضی اچ پھسیے رہے تاں ول اتھوں نہ نکل سگسوں، پچھلے 30 سال توں ایہو تھیندا پئے اتے نتیجہ صفراے۔بھارتی شہری حامد انصاری دے معاملے تے وزیراعظم جو او ایندا جائزہ گھنسن۔
