موسمیاتی تبدیلیاں نال نبڑݨ کیتے موثر اقدامات دی لوڑھ اے، عالمی حدت اچ پاکستان دا حصہ ہک فیصد توں وی ڳھٹ اے۔ وفاقی وزیر سینیٹر شیری رحمٰن

اسلام آباد۔14ستمبر (اے پی پی) وفاقی وزیر برائے موسمیاتی تبدیلی سینیٹر شی??ی رحمٰن آکھیا جو موسمیاتی تبدیلیاں نال نبڑݨ کیتے موثر اقدامات دی لوڑھ اے، عالمی حدت اچ پاکستان دا حصہ ہک فیصد توں وی ڳھٹ اے?? پاکستان ایں ویلھے تریخ دے بدترین سیلاب توں گزردا پئے جتھ اوندا انفراسٹرکچر دا وݙے پیمانے تے نقصان تھیے۔ بدھ کوں بین الپارلیمانی یونین اتے قومی اسمبلی دے سانجھ نال پائیدار ترقی دے اہداف دے حصول تے ایشیا پیسفک ریجن دی پارلیماناں دے تریجھے علاقائی سیمینار توں خطاب کریندیں ہوئیں شی??ی رحمان آکھیا جو موسمیاتی تبدیلیاں پاروں پاکستان اچ معمول توں ودھ بارشاں تھین۔ صرف سندھ اچ ماضی دے مقابلے ست گناہ ودھ بارشاں تھین۔ ایہو صورتحال ملک دے ٻئے علاقیاں اچ وی اے۔ وزیر موسمیاتی تبدیلی آکھیا جو اڄوکے چھل پاروں وݙی تعداد اچ اموات تھین، لکھاں گھر اتے کھڑی فصلاں تباہ تھین۔ 200 توں ودھ پل اتے سینکڑاں کلومیٹر شاہراہیں تباہ تھین ، ریلوے ، انٹرنیٹ دا نظام متاثر تھیے?? پاکستان اچ گرمیاں اچ شدید ہیٹ ویو دا وی سامݨا رہیا اتے بارشاں معمول توں ودھ تھین۔ انہاں آکھیا جو موسمیاتی تبدیلیاں نال نبڑݨ کیتے موثر اقدامات دی لوڑھ اے، عالمی حدت اچ پاکستان دا حصہ ہک فیصد توں وی ڳھٹ اے۔